Rozerin

AKPa bûye ERGENEKON

CEMÎL BAYIK

Rûyê AKP’ê yê rastî her roja diçe zelaltir û aşkeratir dibe. Piştî ku aşkere bû li pişt êrîşa Gurcistanê ya li dijî Osetyaya Başûr Tirkiye heye, rastiya AKP’ê hinekî zelaltir li ber çavan hate raxistin. Tevî vê rastiyê jî, hewldanên ku cuda nîşandana AKP’ê ji bo civakê berdewam dike.
Çima wisa dibe?
Tevî ku AKP’ê partiyeke ku teşhîr bûye jî, sedema ku bi israr tê xwestin cuda ji raya giştî re bê destnîşankirin mijareke hêjaye ku mirov serê xwe li ser biêşîne ye. Sedemê ku rewşeke wisa tê jiyîn, têkiliyeke yekser bi gotinên Cuneyt Zapsu yên der barê R.T. Erdogan de gotibûn heye. Di civîneke li DYA’yê de Zapsu ji bo R.T. Erogan gotibû, “Vî mirovî ber bi kunê ve ne malişin, hûn dikarin hê jî wî bikar bînin.” Ev gotin di heman demê de tên wateya referansa Cuneyt Zapsû ya der barê R.T Erdogan de.
Hebûna Tirkiyeyê ya li pişt êrîşa Gurcistanê ya li dijî Osetyayê, dide nîşandan ku tê xwestin R.T. Erdogan ne tenê li dijî civaka Tirkiyeyê, her wiha di asta navneteweyî de li dijî hêzên herêmî jî bê bikaranîn. Pêwist e li vir were destnîşankirin ku ev rewş hem ji bo civaka Tirkiyeyê hem jî ji bo gelên herêmê bi xwe re talûkeyên mezin tîne.
AKP mîna parçeyekî projeyeke giştî ya li hemberî Tirkiyeyê û gelên Rojhilata Navîn hatiye sazkirin. Li ser bingeha îstîsmarkirin û bikaranîna bawerî û hestên olî yên gel ji bo xizmeta hêzên navneteweyî tevdigere. Di şertên roja me de rewşa aloz a li cîhanê û bi taybetî ya li Rojhilata Navîn bikar tîne. Ji ber vê yekê jî xwedî derfet e ku ji rastiya xwe pir cudatir bi şêwazên cur bi cur bi civakê xwe bide nasandin.
Hêzên sermayeya navneteweyî, di serî de jî DYA, bikaranîna hestên gelên Rojhilata Navîn li gorî berjewendiyên xwe dibînin.
Li dijî hêzên gel ên demokratîk, radîkal û muxalif, mîna amûr bikaranîna olê li gorî berjewendiyên xwe dibînin. Projeya “Kembera Kesk” a beriya niha xistibûn rojevê jî parçeyekî vê yekê bû. Bi vê projeyê re, ol li hemberî gelê îslam ên Rojhilata Navîn mîna bendekê bikar anîne. Di vê yekê de jî bi ser ketin. Hêzên sermeyeya navneteweyî di roja me de jî ji nêzîkbûna xwe ya siyasî dest bernedane. Heta bi hêzên li gorî xwe avakirine yên nerm, ji gelê Rojhilata Navîn re pêşniyaran dike. Bi vê yekê hêzên sermayeya navneteweyî dixwazin bandora xwe ya li ser gelên îslam ên Rojhilata Navîn bidomînin.
Di serî de sermayeya navneteweyî ku li gorî meyldariya xwe hêz û partiyên hevkar ên îslama nerm bikar tînê de AKP heye. AKP mîna model ji gelên Rojhilata Navîn re tê pêşkêşkirin. Ji aliyekî ve dixwazin vê modelê bi gelên herêmê bidin qebûlkirin, ji aliyê din ve jî armanc dikin ku rejîmên hevkar biafirînin. Piştî sazkirina AKP’ê li Tirkiyeyê, bi heman amblem û navan de hate xwestin ku li Fas û Iraqê jî partiyan saz bikin. Ev encameke rasterast ya vê yekê ye. Di vê wateyê de AKP’e xencereke ku di dilê civaka Tirkiyeyê û gelên îslam ên Rojhilata Navîn de hatiye çikandin. Ev tê wateya, dijminatiya îslamê ya dîsa bi navê îslamê ye. AKP li gorî mîsyona jê re hatiye destnîşankirin tevdigere. Di pêvajoya hevdîtina Suriyeyê ya bi Îsraîlê re, di kişandina pêvajoya teslîmbûna Suriyeyê ya ji bo DYA’yê de rola Tirkiyeyê mezin e. Niha jî Tirkiyeyê heman rolê dixwaze di têkiliyên Îran-DYA’yê de bileyze. Dema vê yekê dike jî maskeya îslamê bikar tîne. Bi rengekî, berpirsyariya ku di dema berî DYA’yê êrîşî Iraqê bike de, niha li hember Îranê jî bicih tîne. Heta hê jî bi pêş de diçe, di pêvajoyeke ku Îran bi tenê bê hiştin û di rewşeke ku dema mudaxeleyê werê de bê destek bimîne tevdigere. Di desteka ji bo Gurcistanê û peyama ji bo Rûsyayê hate dayin de ev rastî heye. AKP’a ku di asta herêmî de li serê gelan kirine bela, herî zêde jî li ser civaka Tirkiyeyê bi lîstina roleke bêoxir hatiye wezîfedarkirin. Tevî her tiştî jî ev yek tê kirin.
Mîna partî, benê AKP’ê derketiye bazarê. Rûyê wê ya rastîn teşhîr bûye. Têkiliya bi hêzên navneteweyî re aşkere bûye. Ev rastî tev bûne sedem ku civaka Tirkiyeyê li hemberî AKP’ê bibe xwedî helwestek. Lê belê tê xwestin ev yek were astengkirin. Nêzîkbûnên vê demê yên ji bo AKP’ê di vê çerçoveyê de hatine destnîşankirin.
Sedema ku bi israr tê xwestin AKP’a ku desteka gel a di hilbijartinên 22’ê Tîrmehê de ji gel girtibû winda kir û di nava xwe de zehmetiyên mezin dijî, li ser piyan bê hiştin ev rastî ye. Di vê pêvajoyê de israra di vê nêzîkatiyê de heye û tê xwestin bi makyajan şekl û şemalên nû bidin AKP’ê. Bi vê yekê ji pêvajoya destpêkê bêhtir AKP’ê bihêz nîşan didin û pêşkêşî gel dikin de wê bipejirîne.
Pevçûna ji bo desthilatdariyê ya AKP bi Ergenekonê re ketiyê, di vê çarçoveyê de berovajî tê nîşandan. Baweriyeke bi tevahî şaş a qaşo AKP alîgira demokrasiyê ye tê ferzkirin. Propogandaya vê yekê tê kirin û tê xwestin rastiya AKP-Ergenekonê berovajî bê nîşandan. Ji bo vê yekê jî demokrasî mîna etîketekê tê bikaranîn.
Karakterê AKP’ê yê di asta Tirkiyeyê û herêmî de li dijî gelan be û hevkariya bi hêzên navneteweyî re bi giştî aşkera bûye. Karakterê wê yê rastî derketiye pêş û êdî nikare were veşartin. Ya girîng ew e ku ev rastî werê dîtin û bi dîtina vê yekê re helwesteke rast û di cih de li hemberî AKP’ê bê standin.
Heger ev yek rast neyê fêmkirin û helwesteke li gorî wê neyê nîşandan, AKP wê vê rola bêoxir bidomîne û rewşa xwe ya li serê civaka Tirkiyeyê û gelên herêmê berdewam bike.